Appienniti a ‘stà trave

Into a nà casa c’era nó patre co nó figlio ribbusciàto, ló patre receva tutti li iuórni vicino a ló figlio re se trovà na fatica e re non se spènne sti quattro sordi cà ré reva pé li compagni.

Ló figlio non se ‘nè fotteva proprio, pigliava li sòrdi senne ieva a ló paese, traseva ìnto a ló barrò e chiamava a tutti l’amici :<< òi pàvo pé tutti!>> e tutti ca vénevano responnevano :<< o campare bello!>>

Ló iuórno appriesso, ló patre ca s’accereva re fatica pensao:<<si moro a me, fìgliemo se more ré fame!>>

Allora ogni iuórno ré receva a ló figlio:<< figlio mio a morte mia appienniti a ‘stà trave!>>

Tanto fù cà ló patre muriu, ló figlio commo a nó ribbusciàto non sapeva rà addó aveva piglià, allora pensao buono ré ì a ló paese, tanto sicuro ca quàcche compare ré reva ‘nà cosa. Trasìo ìnto a ló barro e accommenzào a chiama:<< compare bello como stai ?>>

A uno a uno tutti ré giraro le spalle , e pé nó mese tenea ré che mangiá e beve. Ròppo a nó mese seccava iuórni iuórni, nisciuno cà ré reva na fatica tanto sapevano cà era nó ribbusciàto.

Bello e buono nó iuórno ló figlio s’arricordào quìllo ca ré receva ló patre, “figlio mio a morte mia appienniti a sta trave” e accussì facio s’appinnivo a la trave e cario ‘nà mórra ré solati… Azzz riciu ló figlio!…………..patremo sapeva ca me moreva ré fame!

Ló iuórno appriesso se ‘ngravattao bello sistemato e ìo a ló paese, trasìo ìnto a ló barrò e mittio ló portafoglio ‘ngòppa a ló bancone e se pigliào ‘nà cosa rà véve.

Pigliaro li compagni s’avvicinarono rìcenno:<< o campare bello como stai? emmé non ‘nuoffri nienti a li compari?>> risponnio ló vaglióne:<< ‘nà vota se ‘mpiccao Cola!>>